Deyaar-e-Ghair Main Kesay Tujhay Sada DetayKoi Chaaon Ho

Deyaar-e-ghair main kesay tujhay sada detay
Tu mil bhi jaata to tujhay ganva detay

Tumhi ne hum ko na sunaaya dukh apna
Dua vo kartay keh aasmaa.n hum hila detay

Hamain ye zom raha keh ab vo pukaarain ge
Unhain ye zidd thee keh har baar hum sada detay

Vo tera gham tha ya taaseer meray lehjay ki
Keh jis ko haal sunaatay usay rula detay

Tumhain bhulaana he avval to dastaras main nahin
Jo ikhtiyaar bhi hota to kiya bhula detay

Tumhaari yaad ne koi javaab he na diya
Meray kheyaal ke aansu rahay sada detay

Sama’ton ko main ta-umr kosta Syed
Vo kuch na kehtay magar hont to hila detay

~Wasi ShahImage

 

Teri Khushbu Ka

Jisay aks aks ganva diya

Kabhi rubaru thi meray liyeImage
 
Jisay naqsh naqsh mita diya
Kabhi chaar su thi meray liye
 
Jo had-e-hava se bhi door hai
Kabhi ku-ba-ku thi meray liye
 
Jo tapish hai mauj-e-saraab ki
Kabhi aabju thi meray liye
 
Jisay ‘aap’ likhta hoon khat mein ab
Kabhi sirf ‘tu’ thi meray liye
 
~Mohsin Naqvi

Teri Khushbu Ka

Image

Teri Khushbu Ka

Teri khushbu ka pata karti hai

Mujh pe ehsaan hava karti hai
 
Shab ki tanhaai mein ab to aksar
Guftugu tujh se raha karti hai
 
Dil ko us raah pe chalna he nahin
Jo mujhe tujh se juda karti hai
 
Zindagi meri thi lekin ab to
Teray kehnay mein raha karti hai
 
Us ne dekha he nahin varna ye aankh
Dil ka ehvaal kaha karti hai
 
Shaam partay he kisi shakhs ki yaad
Koocha-e-jaa.n mein sada karti hai
 
Dukh hua karta hai kuch aur bayaa.n
Baat kuch aur hua karti hai
 
Abr barsay to inaayat us ki
Shaakh to sirf dua karti hai
 
Masla jab bhi utha chiraaghon ka
Faisla sirf hava karti hai
 
~Parveen Shakir


Na Shikayatain Na Gila Karay

Na shikayatain na gila karay
Koi aisa shakhs hua karay
Jo meray liye he saja karay
Mujh he se baatain kiya karay

Kabhi roye jaaye vo bepanaah
Kabhi betahasha udaas ho
Kabhi chupke chupke dabay qadam
Meray peechay aa ker hansa karay

Meri qurbatain meri chahatain
Koi yaad rakkhay qadam qadam
Main taveel safar mein hoon agar
Meri vaapsi ki dua karay

~Amjad Islam AmjadImage